Këngëtarja e njohur shqiptare, Vesa Luma, ka ndarë një moment nga Zelanda e Re, duke shoqëruar pamjet me një mbishkrim që tërheq vëmendjen.
Në fotografinë e publikuar, Vesa shfaqet duke shijuar një peizazh piktoresk, me ujërat e kaltërta dhe gjelbërimin që e rrethojnë. “10/10 bench in New Zealand”, shkruhet në videon e saj, duke vlerësuar pamjen që ofron vendi, shkruan Indeksonline.
Por ajo që bie më shumë në sy është mbishkrimi në shqip: “A jam budallaqe që kam lënë këtë parajsë”, një fjali që përcjell nostalgji për bukuritë e Zelandës së Re.
Vesa Luma dhe bashkëshorti i saj, reperi Big Basta, kanë jetuar për një periudhë në Zelandën e Re, ku kanë ndërtuar jetën familjare larg vëmendjes së përditshme mediatike. Familja e tyre ka ndarë ndër vite momente nga jeta në këtë vend, i njohur për natyrën mbresëlënëse.
