Drama që shpërtheu në një koncert të Coldplay, kur ish-drejtoresha e burimeve njerëzore të kompanisë Astronomer, Kristin Cabot, u filmua duke u puthur me CEO-n e atëhershëm, Andy Byron, mori një kthesë të papritur.
Pas ditësh heshtjeje, Andrew Cabot, ish-bashkëshorti i Kristinës, ka folur për herë të parë. Dhe deklarata e tij ka lënë të gjithë të habitur.
“Ne ishim në ndarje private dhe paqësore disa javë para koncertit. Divorci ishte tashmë në proces,” – bëri të ditur zëdhënësja e Andrew-t për People.
Me këtë mesazh, ai kërkoi që publiku të ndalojë spekulimet dhe t’i lejojë familjes privatësinë që kanë gjithmonë vlerësuar. Andrew, i cili gjatë kohës së skandalit ndodhej në Japoni, nuk pritet të bëjë më komente të tjera publike.
Ky zhvillim ndryshon plotësisht narrativën e deritanishme: ajo që u duk si një “tradhti live” përballë mijëra njerëzve, në fakt ndodhi pasi çifti ishte ndarë tashmë.
Kristin Cabot dhe Andy Byron ndërkohë kanë dhënë dorëheqjen nga pozicionet e tyre, ndërsa rrjeti vijon të vlojë me reagime.
