G-bani: Jozi ishte Luizi i BBVA 4, Gjesti fitoi nga votat e dhënë në mënyrë raciste të Kosovës

Drama që rrethon Big Brother VIP Albania vazhdon të prodhojë tension edhe jashtë shtëpisë, ndërsa këtë herë në qendër të vëmendjes është rikthyer G-Bani. I ftuar në një podcast, reperi ndezi sërish debatet me deklarata të forta për lojën dhe finalistët e edicionit të kaluar, duke rikthyer në skenë rivalitetin e tij me Gjesti.

Teksa komentonte rrugëtimin e banorëve në reality show, ai u ndal veçanërisht te Jozi, për të cilin tha se kishte profilin e një fituesi të madh. Sipas tij, Jozi ishte figura që mbarti energjinë dhe peshën kryesore të spektaklit, madje duke e krahasuar me fenomenin më të komentuar të formatit ndër vite. Por deklarata mori tjetër drejtim kur reperi hodhi dyshime mbi mënyrën si publiku votoi gjatë sezonit.

https://www.tiktok.com/embed/v2/7639084087608724768?lang=en-US&referrer=https%3A%2F%2Findeksonline.net%2Fg-bani-jozi-ishte-luizi-i-bbva-4-gjesti-fitoi-nga-votat-e-dhene-ne-menyre-raciste-te-kosoves%2F

Pa kursyer kritikat, G-Bani pretendoi se rezultati final u ndikua nga votat që vinin nga Kosova në favor të Gjestit, të cilat ai i konsideroi të paragjykuara. Në të njëjtën kohë, ai u shpreh se fituesja ideale për të kishte qenë Danja, duke vlerësuar strategjinë dhe lojën e saj si më të rafinuarën në shtëpi.

Pas gjithë këtij shpërthimi verbal fshihet një histori e mbetur pezull nga koha e spektaklit. Pikërisht Gjesti ishte personi që çoi drejt eliminimit G-Banin dhe Jozin përmes “zarfit të zi”, një moment që ndryshoi rrjedhën e lojës dhe i largoi të dy nga gara për finalen. Edhe pse muajt kanë kaluar që nga mbyllja e spektaklit, duket se përplasjet dhe hatërmbetjet mes ish-banorëve vazhdojnë të mbeten të gjalla edhe jashtë kamerave.