Gjesti ka një kërkesë për të gjithë fansat

Artisti i njohur nga Peja, Gjesti, e ka parashtruar një kërkesë publike për fansat e tij.

Përmes një mesazhi, ai ka kërkuar që të mos shkojë askush te shtëpia e tij, për ta takuar.

“Shtëpia është i vetmi vend ku mundohem me pushu, me kalu kohë me familjen dhe me gjet pak qetësi. Kur vjen dikush çdo ditë te dera, bëhet shumë e vështirë me pas atë qetësi” shkruan artisti.

Sipas tij, do të ketë mjaftueshëm koncerte dhe ngjarje që do ta afrojnë me fansat, prandaj kërkon që privatësia që ai ka në shtëpi, të respektohet.