“Jom e shokume”, Festa Qoqaj e revoltuar i reagon Përparim Ramës, Vjosa Osmanit e Albin Kurtit – ka një thirrje

Influencerja e njohur, Festa Qoqaj, ka reaguar ashpër dhe me indinjatë pas rastit të rëndë që ka tronditur Prishtinën sot, ku disa qenushë janë gjetur të mbytur brutalisht, me gjurmë gjaku në rrugë.

Festa, përmes një sërë postimesh në Instagram Story, ka shprehur shokun e saj dhe ka ngritur zërin kundër mungesës së zbatimit të ligjit në Kosovë, duke iu drejtuar drejtpërdrejt figurave më të larta politike.

“A ka me pas shtet edhe ligj që i dënon kto raste najherë? Jam e shokume qysh njerzt e tille sillen t’lirë edhe vazhdojnë me bo akte të tilla se e dijnë që si gjen sen.”

Ajo i bëri një kërkesë publike dhe urgjente Kryetarit të Prishtinës, Përparim Ramës, për të marrë masa ndaj këtyre situatave.

Përveç kreut të Komunës, Festa Qoqaj ka etiketuar edhe Presidenten e Kosovës, Vjosa Osmani, dhe Kryeministrin Albin Kurti, duke kërkuar që ky akt brutal të mos injorohet dhe që shteti të ndërmarrë hapa konkretë për dënimin e autorëve dhe parandalimin e rasteve të tilla në të ardhmen.