I ftuar në emisionin “Live From Tirana” me Ronaldo Sharkën ka qenë Jozefin Marku, ish-banori i edicionit të katërt të “Big Brother VIP”. Ai ka zbuluar detaje rreth karrierës muzikore, projekteve të ardhshme, jetës personale dhe marrëdhënies së shumëpërfolur me Loredanën.
Historia e dashurisë së Jozefinit me Loredanën ishte një nga temat më të diskutuara gjatë qëndrimit të tyre në shtëpinë e “Big Brother VIP”, dhe vazhdon të ngjallë interes edhe pas përfundimit të spektaklit. Për këtë arsye, Jozi vendosi të sqaronte gjithçka gjatë intervistës në radio.
Gjatë bisedës, ai komentoi edhe mbi lajmet e fundit që lidhin Loredanën me reperin Don Xhoni, pas ndërveprimeve të tyre në rrjetet sociale që kanë tërhequr vëmendje.
Pjesë nga intervista:
Ronaldo: Ke diçka për t’i thënë sot?
Jozi: Asgjë, thjesht ka marrë një rrugë jo të mirë mendoj unë. Po shoqërohet me njerëz…
Ronaldo: Në ç’kuptim rrugë jo të mirë?
Jozi: Jo të mirë pra. Për ato kemi arritur këtu ku kemi arritur. Shoqërohet me njerëz të padëshirueshëm. Bën gjeste, aspak të mira dhe të hijshme.