Këngëtarja e njohur shqiptare, Fjolla Morina, ka befasuar fansat mbrëmë duke bërë publike për herë të parë të dashurin e saj.
Ajo ka ndarë në Instagram dy fotografi të ëmbla ku shfaqet përkrah partnerit, duke i vënë mbishkrimin: “Dashuria ime”.
Postimi u prit me shumë reagime dhe urime nga ndjekësit, të cilët e kanë mbështetur për këtë hap të ri në jetën e saj personale.
Megjithëse Fjolla nuk ka zbuluar emrin apo profesionin e partnerit, burime për Prive By Liberta Spahiu bëjnë me dije se bëhet fjalë për një lidhje tashmë trevjeçare, që është mbajtur larg syrit të publikut deri më tani. I dashuri quhet Ildi.
Pas një periudhe të gjatë me ulje-ngritje në jetën sentimentale, Fjolla duket më e qetë dhe e lumtur se kurrë. Ndërkohë, fansat po presin me kureshtje të zbulojnë më shumë për mashkullin që i ka fituar zemrën këngëtares.
