Reperi amerikan Sean “Diddy” Combs do të lirohet nga burgu më herët se sa ishte planifikuar fillimisht. Data e lirimit të tij është ndryshuar disa herë në muajt e fundit dhe tani është shtyrë përsëri, raporton TMZ.
Sipas të dhënave të fundit nga Byroja Federale e Burgjeve e SHBA-së, Combs është planifikuar të lirohet më 6 shkurt 2028
Muajin e kaluar, data e lirimit të tij ishte listuar si 2 mars 2028, dhe më parë ishin përmendur edhe 21 janari, 5 dhe 20 shkurti i të njëjtit vit.
Ndryshimi i datës vjen pas një sërë problemesh që Combs pati gjatë vuajtjes së dënimit të tij në burgun federal Fort Dix në New Jersey. Për shkak të incidenteve, ai u transferua së fundmi në burgun Allenwood në Pensilvani, sipas TMZ.
Kujtojmë që në vitin 2025, Combs u shpall fajtor për dy akuza për transportimin e personave përtej kufijve të shteteve amerikane me qëllim prostitucioni, duke shkelur kështu të ashtuquajturin Akti Mann.
Për veprat penale për të cilat u shpall fajtor, ai u dënua me 50 muaj, ose katër vjet e dy muaj burgim
