Këngëtari i njohur shqiptar, Ermal Fejzullahu, feston sot ditëlindjen.
Me këtë rast, ai ka marrë urime të shumta nga familjarë, miq e bashkëpunëtorë, ndërsa një urim i veçantë ka ardhur nga babai i tij, legjenda e muzikës shqiptare, Sabri Fejzullahu.
Përmes një InstaStory, Sabriu ka zgjedhur t’i dedikojë të birit disa fjalë të ndjera, duke i uruar shëndet, suksese dhe dashuri të vazhdueshme për njerëzit.
“Urime edhe 100 vjet, me shëndet të plotë e me shumë suksese në skenë, të cilat i ke kudo që shkon. Mbaje gjithmonë atë dashni të sinqertë që ke për njerëzit”, ka shkruar Sabri Fejzullahu.
