“Mbi 40 mijë mysafirë, 60 vende, asnjë dhomë e hotelit e lirë”, Rama shfaqet nga lokacioni i “Sunny Hill Festival”

Kryetari i Komunës së Prishtinës, Përparim Rama, përmes një videoje që e ka realizuar në lokacionin ku mbahet “Sunny Hill Festival”, tha se në këtë ngjarje do të jenë mbi 40 mijë mysafirë, ndërsa shtoi se Prishtina është ‘full’ dhe se asnjë dhomë hoteli s’ka mbetur e lirë.

“Sunny Hill i dha zë Prishtinës. Prishtina i dha shpirt festivalit”, ka shkruar Rama.

Ai bëri thirrje për pjesëmarrje në këtë festival.

“Prishtina e Sunny Hill-it e Sunny Hill-i i Prishtinës. Ju ftoj të gjithëve që të vini e të kënaquni me artistë të mrekullueshëm si Dua jonë e mrekullueshme, me Fatboy Slim e shumë të tjerë që në këto tri ditët në vijim do të krijojnë një atmosferë si asnjëherë më parë”.