Reperi kosovar Mozzik ka konfirmuar mbështetjen e tij për “Marshin për Liri”, i cili do të mbahet më 12 shtator në Prishtinë
Mozzik ka publikuar në rrjetet sociale një fotografi nga Tirana, ku shihet billboard-i me thirrjen “KOSOVA PO PRET – MARSH PËR LIRI – LIRIA KA EMËR”, duke bërë të ditur se do të jetë pjesë e kësaj iniciative.
Marshi, i organizuar nga platforma qytetare “Liria ka Emër”, do të zhvillohet katër ditë para 16 shtatorit, datë kur pritet vendimi i Dhomave të Specializuara të Kosovës në Hagë për ish-drejtuesit e UÇK-së.
