Aktori i njohur dhe moderatori i “Fiks Fare”, Julian Deda, ka kujtuar ditën e sotme babain e tij të ndjerë, Zef Deda.
Juli ka bërë një postim mjaft prekës në profilin e tij në “Instagram”, ku ka postuar një video të aktorit të madh dhe bashkëngjitur me të, ai kujton se sot do të bënte 76 vjeç.
Aktori shkruan se e kujton çdo ditë ashtu siç shfaqet në pamjet e ndara me ndjekësit e tij, me kitarë, duke kënduar, duke qeshur dhe duke i falë kënaqësi gjithkujt.
Deda shton se i mungon pafund por nuk ka çfarë të bëjë, pasi fati i detyroi që ditëlindjet t’i festonin veç e veç. Ai rikujton edhe amanetin që aktori i madh u ka lënë, që të qeshin dhe të gëzojnë.