Rita Ora merr vëmendjen me dukjen atraktive me pupla gjatë një koncerti në Irlandë

Rita Ora u sigurua të tërhiqte gjithë vëmendjen teksa tregoi belin e saj shumë të hollë me një minifustan korsé prej lëkure të zezë gjatë performancës së saj në Irlandë.

Këngëtarja dukej sensacionale me veshjen e ngushtë me mëngë të shkurtra, e cila kishte panele rozë në pjesën e përparme dhe një përfundim të kombinuar me dantellë, shkruan DailyMail .

Rita e theksoi edhe më shumë siluetën e saj me një palë çizme të gjata deri në gju me lidhëse dhe vendosi mbi supe një shall me pupla rozë.

Foto: Rita Ora/Instagram

Me prerjen e saj të shkurtër bionde të stiluar në kaçurrela me xhel, autorja e hitit “Poison” e kompletoi dukjen me vathë të mëdhenj argjendi në formë të varur.

Rita dukej në humor të mirë teksa pozonte në prapaskenë përpara se të dilte para publikut.

Foto: Rita Ora/Instagram

Anëtarja e jurisë së “The Masked Singer” zbuloi se performanca e kishte bërë të ndihej e emocionuar për një turne dhe u shpreh se e do personin që është bërë “në dhe jashtë skenës”.

Ajo shkroi: “Qëndrimi ishte shumë i shkurtër, por e dashurova vajzën që u bëra NË DHE JASHTË skenës. Mezi pres të kthehem dhe të performoj në turneun tim, do të shihemi kur të rikthehem! Ju dua. P.S. Të këndoja me bendin tim dhe të dëgjoja vokalet live që bashkoheshin, më shkriu zemrën!”.

Foto: Rita Ora/Instagram

Në foto të tjera të publikuara, Rita shijohej duke pirë një Guinness në një pub, përpara se të provonte një hot-dog me një mikeshë.

Kjo vjen pasi Rita zbuloi se si po përgatit trupin e saj për menopauzën dhe planet e ardhshme familjare, pasi ka ngrirë vezët në të njëzetat, ndërsa shfaqi fizikun e saj të formuar në palestër për revistën Women’s Health UK.

Foto: Rita Ora/Instagram

Këngëtarja e “Hot Right Now”, e cila së fundmi ishte në kopertinën e revistës, tregoi se kishte kaluar një periudhë shumë të bukur në të njëzetat, kur karriera e saj ishte në kulm dhe ajo po “shijonte çdo sekondë”.

Megjithatë, kur mbushi 30 vjeç pesë vite më parë, ajo vuri re ndryshime të mëdha fizike, gjë që e shtyu të rishikonte plotësisht regjimin e saj të stërvitjes dhe mënyrën e të menduarit, duke vendosur ta “trajtoj trupin tim si të isha një lloj atlete”.

Foto: Rita Ora/Instagram

“Nuk dua që njerëzit të mendojnë se kjo rrugëtim shëndetësor lidhet me obsesionin për pamjen fizike, sepse shpesh kjo linjë bëhet e paqartë. Gjithçka ka të bëjë me mënyrën se si ndihem,” shpjegoi ajo.

Përveç stërvitjes me pesha, këngëtarja është informuar edhe për menopauzën pasi pa nënën e saj të kalonte trajtimin e kancerit të gjirit, i cili e shkaktoi menopauzën në moshë të hershme.

Foto: Rita Ora/Instagram

“Po përpiqem të jem një hap përpara dhe të mësoj për këtë,” tha ajo, duke shtuar: “Mësova shumë nga Davina [McCall] gjatë punës me të në ‘The Masked Singer’”.

Rita, e cila është njerkë e vajzave të bashkëshortit të saj 50-vjeçar Taika Waititi, ndihet e sigurt edhe për fertilitetin pasi ka ngrirë vezët dy herë – në moshën 24 dhe 27 vjeç.

“Në atë kohë, një mjek më tha se ishte moment shumë i mirë për të ruajtur cilësinë më të mirë,” tha ajo.

“Ishte këshilla më e mirë, sepse tani jam në mesin e të tridhjetave dhe kam shumë shoqe që po përpiqen ta kuptojnë këtë çështje. Kur të vijë koha, do të jetë thjesht një zgjerim i jetës sime”.

Foto: Rita Ora/Instagram

Rita dhe regjisori Taika Waititi u martuan në një ceremoni sekrete në gusht të vitit 2022, pasi ajo theu traditën dhe ishte vetë që i propozoi.

Pas viteve kur nuk kishte qenë në marrëdhënien e duhur gjatë “të njëzetave të çrregullta”, Rita tha se kur u lidh me Taikën në vitin 2021, gjithçka u ndje “e drejtë dhe e sigurt”.

Foto: Rita Ora/Instagram

Para lidhjes romantike, Rita dhe Taika kishin qenë miq të ngushtë për pesë vjet.

Edhe pse ka menduar për një familje në të ardhmen, për momentin Rita është e lumtur në rolin e saj si njerkë për vajzat e tij, duke thënë: “Kam dashur çdo sekondë – vajzat janë një ëndërr. Mendoj se kam qenë shumë me fat”.

Foto: Rita Ora/Instagram

“Argëtohemi shumë – bëjmë thonjtë, shkojmë për shopping. Më pëlqen të kaloj kohë me to”.

Përveç kujdesit për shëndetin fizik afatgjatë, Rita tregoi se një sulm paniku në vitin 2016, gjatë një takimi me Princin e atëhershëm Charles në një event bamirësie, e shtyu të fokusohej edhe te shëndeti mendor.

“Sa herë që shoh atë foto ku jam duke qëndruar pranë Tom Hardy, kujtoj si u ndjeva. Ishte si një përvojë jashtë trupit,” pranoi ajo.

“Por ishte edhe një thirrje e fortë zgjimi. Ishte një nga herët e para kur thashë: ‘Duhet të bëj diçka për këtë.’ Terapia më dha perspektivë, dhe kjo ishte diçka për të cilën nuk isha përgatitur”