“Si Ai” i Taynës kap vëmendjen e yllit të Barcelonës

Ylli i Barcelonës, Pedri, ka surprizuar fansat me një InstaStory, ku në sfond dëgjohej hiti i artistes shqiptare Tayna, “Si ai”.

Ky detaj u bë menjëherë viral dhe entuziazmoi ndjekësit, duke treguar se futbollisti është në hap me trendet edhe jashtë fushës së lojës.

Kënga “Si ai”, që ka marrë hov të madh ndërkombëtar falë remix-it me Marshmello dhe UKAY, është shfaqur edhe në skenat më prestigjioze si Tomorrowland.

Tani, edhe Pedri e ka promovuar në mënyrën e tij, duke forcuar suksesin global të Taynës dhe duke krijuar një lidhje interesante mes sportit dhe muzikës shqiptare.