Aktori i njohur britanik Patrick Stewart, i famshëm për rolet e tij në seritë filmike “Star Trek” dhe “X-Men”, ka ndërruar jetë, sipas një njoftimi të publikuar në llogaritë e tij zyrtare në rrjetet sociale.
Sipas deklaratës, aktori ka vdekur të hënën, nën kujdesin e bashkëshortes së tij, Sunny, pas një beteje të shkurtër me sëmundjen e Alzheimerit.
Në njoftim thuhet se Stewart ishte i rrethuar nga familjarët dhe miqtë e tij në momentet e fundit të jetës, ndërsa atmosfera shoqërohej nga muzika e drejtpërdrejtë, lutjet, lotët dhe të qeshurat.
Gjatë karrierës së tij gjashtëdekadëshe, Stewart u shqua për interpretimet në teatër, film dhe televizion, duke u bërë një nga emrat më të njohur të industrisë së argëtimit. Ai u vlerësua gjithashtu për kontributin e tij në aktivitete të ndryshme bamirësie.
Karrierën e nisi në skenë në fund të viteve ’60, si pjesë e kompanisë teatrale Royal Shakespeare Theatre. Në vitin 1971, bëri debutimin e tij në Broadway, në shfaqjen “A Midsummer Night’s Dream”, raporton IndeksOnline.
Suksesin e madh në Shtetet e Bashkuara e arriti me rolin e kapitenit Jean-Luc Picard në serialin “Star Trek: The Next Generation”, ku u shfaq në 176 episode dhe katër filma.
