Nata e parë e festivalit “Sunny Hill” solli emocione të veçanta për artisten shqiptare me famë botërore, Dua Lipa, e cila u ngjit në skenën për një performancë që do të mbahet mend gjatë.
Së fundmi, përmes një reagimi të ngrohtë në rrjetet sociale, Dua shprehu krenarinë dhe mirënjohjen e saj për atë që festivali po i jep Prishtinës dhe për përjetimin personal që i solli ky moment.
“Ky festival është diçka që unë dhe familja ime e krijuam me shumë dashuri për qytetin tonë, Prishtinën, dhe ta shohësh të realizohet kështu është përtej çdo gjëje që mund të kisha ëndërruar”, shkruan ajo.
Ajo vlerësoi atmosferën dhe energjinë e publikut, ndërsa ndau një moment të veçantë nga skena, performancën bashkë me të atin, Dukagjin Lipa.