‘Keni një vend të bukur’, Vance takohet me presidentin e Izraelit

Pas takimit me Benjamin Netanyahun më herët sot, zëvendëspresidenti amerikan, JD Vance është takuar me presidentin izraelit, Isaac Herzog, pasdite.

Presidenti, i cili ishte anëtar i Partisë së Punës Izraelite të qendrës së majtë, e priti JD Vance në rezidencën presidenciale në Jerusalem.

Vance la një shënim në librin e mysafirëve të presidentit, duke e lavdëruar Izraelin si një “vend të bukur”.

Herzog, nga ana tjetër, i tha Vance se ishte një “fans i madh” i librit të tij “të jashtëzakonshëm” Hillbilly Elegy gjatë një pjese publike të vizitës.

“Gjithmonë më ka lënë mbresa historia juaj dhe mënyra se si është treguar”, shtoi ai.