Kongresisti amerikan Joe Wilson kërkon heqjen e plotë të statusit të SNS-it nga EPP

Kongresisti amerikan Joe Wilson ka reaguar në rrjetin social X lidhur me deklaratën e Partisë Popullore Evropiane (EPP) për sjelljen e Partisë Përparimtare Serbe (SNS) të presidentit serb Aleksandar Vuçiq, për nderimet që iu bën kriminelit të luftës, Ratko Mlladiq.

Wilson ka shprehur mirënjohje për deklaratën e EPP-së, e cila, sipas tij, ka dënuar “sjelljen e tmerrshme” të SNS-së.

“Është koha që statusi i asociuar i SNS-së të revokohet plotësisht! SNS është kundër qytetërimit perëndimor”, ka shkruar Wilson në X.