NASA planifikon të ndërtojë një reaktor bërthamor në Hënë deri me 2030

Kjo është pjesë e ambicieve të SHBA-së për të ndërtuar një bazë të përhershme për njerëzit që të jetojnë në sipërfaqen hënore.

Sipas Politico, kreu në detyrë i NASA-s iu referua planeve të ngjashme nga Kina dhe Rusia dhe tha se këto dy vende “mund të shpallin potencialisht një zonë ndalimi” në Hënë.

Por, sipas mediave të huaja, mbeten pyetje se sa realiste janë qëllimi dhe afati kohor, duke pasur parasysh shkurtimet e fundit dhe të mëdha të buxhetit të NASA-s, dhe disa shkencëtarë janë të shqetësuar se planet drejtohen nga qëllime gjeopolitike.

Kujtojmë se vende duke përfshirë SHBA-në, Kinën, Rusinë, Indinë dhe Japoninë po nxitojnë të eksplorojnë sipërfaqen e Hënës, me disa që planifikojnë vendbanime të përhershme njerëzore.

Ideja e ndërtimit të një reaktori bërthamor si burim energjie në Hënë nuk është e re.

Në vitin 2022, NASA lëshoi tre kontrata prej 5 milionë dollarësh për kompanitë për të projektuar një reaktor.

Dhe në maj të këtij viti, Kina dhe Rusia njoftuan se planifikojnë të ndërtojnë një central bërthamor të automatizuar në Hënë deri në vitin 2035.

Shumë shkencëtarë bien dakord se kjo do të ishte mënyra më e mirë ose ndoshta e vetmja mënyrë për të siguruar energji të vazhdueshme në sipërfaqen hënore.