Paralajmërime për cunami pas tërmetit të fuqishëm që goditi brigjet e Rusisë – çfarë dihet deri tani

Gjatë orëve të fundit, SHBA-ja dhe Japonia kanë qenë midis vendeve që kanë lëshuar paralajmërime për cunami dhe urdhra evakuimi, pasi një nga tërmetet më të fuqishme në histori, me magnitudë 8.8, goditi brigjet e Rusisë.

Në Japoni, janë vërejtur valët e para të cunamit, me lartësi deri në 40 cm në bregdetin e Hokkaidos, prefektura ishullore pranë Rusisë – deri më tani nuk ka të lënduar, transmeton Klankosova.tv.

Urdhra evakuimi janë në fuqi edhe për bregdetin e Paqësorit të Japonisë, i cili mund të ketë valë deri në 3 metra të larta.

Punëtorët në centralin bërthamor të Fukushimës – të dëmtuar në cunamin e vitit 2011 – janë evakuuar.

Në SHBA, zyrtarët në Hawaii dhe Kaliforni po paralajmërojnë publikun të qëndrojë larg plazheve dhe zonave të ulëta.

Ekspertët e Kalifornisë thonë se nuk ka gjasa të ketë viktima katastrofike në Amerikë, ndërsa guvernatori i Haëaiit i kërkon publikut të qëndrojë i qetë, raporton BBC, transmeton Klankosova.tv.

Në Rusi, disa njerëz pësuan lëndime të lehta në lindjen e largët të Rusisë, ndërsa valët e cunamit përmbytën një pjesë të Severo-Kurilsk.

Sipas Shërbimit Gjeologjik të SHBA-së, me magnitudë 8.8, ky tërmet konsiderohet si tërmeti i gjashtë më i rëndë në histori.