Yvette Cooper, Sekretarja e Jashtme e Mbretërisë së Bashkuar, ka folur në Këshillin e Sigurimit të OKB-së në Nju Jork.
Ajo sapo tha se forcat e Mbretërisë së Bashkuar dhe të NATO-s do të përballen me aeroplanët rusë, nëse është e nevojshme, transmeton Telegrafi.
“Nëse na duhet të përballemi me aeroplanët që veprojnë në hapësirën ajrore të NATO-s pa leje, ne do ta bëjmë këtë”, i tha ajo OKB-së.
“Në rastin më të mirë, këto akte të fundit janë të rrezikshme dhe të pamatura”, tha gjithashtu Cooper.
“Në rastin më të keq, ato janë një përpjekje e qëllimshme për të minuar integritetin territorial të kombeve sovrane dhe sigurinë evropiane. Ato rrezikojnë llogaritje të gabuara, ato hapin derën për përballje të drejtpërdrejtë të armatosur midis NATO-s dhe Rusisë. Mbretëria e Bashkuar qëndron në solidaritet të plotë me ju në këtë kohë dhe gjithmonë”, u tha Cooper aleatëve të Mbretërisë së Bashkuar.
“Presidentit Putin, i them se veprimet tuaja të pamatura rrezikojnë një konfrontim të drejtpërdrejtë të armatosur midis NATO-s dhe Rusisë. Aleanca jonë është mbrojtëse, por mos kini asnjë iluzion, ne jemi të gatshëm të ndërmarrim të gjitha hapat e nevojshëm për të mbrojtur qiellin dhe territorin e NATO-s. Ne jemi vigjilentë. Ne jemi të vendosur”, shtoi ajo.
