Senatori amerikan u drejtohet iranianëve: Ndihma po vjen

Senatori republikan Lindsey Graham, një aleat i ngushtë i presidentit të SHBA-së Donald Trump, tha se ndihma për protestuesit iranianë po “vjen”, vetëm pak orë pasi Trump deklaroi se Shtetet e Bashkuara janë të gatshme të ndihmojnë iranianët në luftën e tyre për liri.

“POPULLI I IRANIT: Makthi juaj i gjatë është gati të mbarojë. Presidenti i Shteteve të Bashkuara dhe të gjithë ata që e duan lirinë e kanë parë guximin dhe vendosmërinë tuaj për t’i dhënë fund shtypjes”, shkroi Graham në një postim në X.

Ai shtoi se mesazhi i Trumpit “Ta bëjmë Iranin përsëri të madh” do të thotë që protestuesit në Iran duhet të mbizotërojnë mbi ajatollahët.

POSTIMI:

“Ky është sinjali më i qartë deri më tani se ai, presidenti Trump, e kupton se Irani nuk mund të jetë kurrë i madh për sa kohë që Ajatollahu dhe ndihmësit e tij janë në pushtet”, tha Graham.

Në fund të mesazhit, senatori tha: “Për të gjithë ata që sakrifikojnë veten në Iran – Zoti ju bekoftë. Ndihma është duke ardhur”, raporton Telegrafi

Deklarata e Graham vjen disa ditë pasi ai u shfaq përkrah Trumpit, ku Trump u pa duke mbajtur një kapelë me fjalët “Ta bëjmë Iranin të Madh përsëri”, të cilën disa e interpretuan si një sinjal të mbështetjes më të fortë të SHBA-së për protestuesit iranianë