Shefi i Thesarit thotë se Trump mund të përdorë sanksionet në takimin me Putinin

Sekretari i Thesarit të SHBA-së, tha se sanksionet “mund të rriten, mund të lehtësohen dhe mund të kenë afate kohore”.

“Ai do t’ia bëjë të qartë presidentit Putin se të gjitha opsionet janë në tryezë”, tha Bessent për Bloomberg në një intervistë.

Ai shtoi se evropianët “duhet të bashkohen me ne në këto sanksione” dhe “të ndihmojnë në krijimin e më shumë ndikimit”.

Ndryshe, Trump dhe Putin pritet të takohen të premten në Alaska, ku një prej temave kyçe do të jetë lufta në Ukrainë.