Fluturimet u pezulluan për gati dy orë të premten në Aeroportin Brandenburg të Berlinit për shkak të dronëve të paidentifikuar që u panë atje, i tha agjencisë së lajmeve AFP një zëdhënës i këtij aeroporti.
Ky është rasti më i ri i një vargu incidentesh të ngjashme në pjesë të ndryshme të Evropës.
Nisjet dhe mbërritjet u pezulluan nga ora 20 e 8 minuta deri në orën 21 e 58 minuta dhe “një valë e tërë fluturimesh” u devijuan për në qytete të tjera gjermane gjatë mbylljes, shtoi zëdhënësi i aeroportit.