Një shpërthim i madh ka ndodhur mëngjesin e së premtes në një pikë karburanti në via dei Gordiani në Romë, duke shkaktuar një zjarr masiv e duke lënë dhjetëra të lënduar.
Sipas Roma Today, shpërthimi ka ndodhur në një pikë karburanti që shiste benzinë dhe gaz, ndërsa fillimisht është ndjerë era e gazit e më pas ka ndodhur një shpërthim i parë, i ndjekur nga një tjetër më i fuqishëm që ka përfshirë gjithë zonën në flakë.
Është bërë e ditur se janë lënduar mbi dhjetë persona, përfshirë nëntë policë, një zjarrfikës dhe një punonjës emergjence.