Një sulm me thikë në një park të një kolegji në Essen të Gjermanisë ka trazuar gjithë qytetin dhe ka alarmuar gjithë autoritetet gjermane.
Siç raporton gazeta gjermane BILD, një nxënës sulmoi një mësues me thikë në parkun e kolegjit në lagjen Nordviertel të Essenit ( North Rhine-Westphalia ).
Plaga me thikë thuhet se ka qenë në stomak dhe se viktima aktualisht po trajtohet për lëndime të rënda dhe është planifikuar t’i nënshtrohet një ndërhyrjeje kirurgjikale urgjente në spitalin universitar. Ende nuk është e qartë nëse jeta e tij është në rrezik.