Të shtëna në “Times Square”, plagosen 3 persona, i arrestuar një 17 vjeçar

Banorët e Nju Jorkut u panë duke vrapuar nëpër trotuar në Times Square këtë mëngjes, me NYPD që konfirmoi se një adoleshent ishte përgjegjës për një të shtënë tronditëse që la tre të plagosur.

Departamenti i Policisë së Nju Jorkut (NYPD) konfirmoi se një 17-vjeçar hapi zjarr në orët e para të së shtunës pas një mosmarrëveshjeje në Midtown Manhattan, ku disa ditë më parë, një person i armatosur vrau katër persona në një ndërtesë zyrash.

Adoleshenti që qëlloi – i cili është arrestuar, por ende nuk është akuzuar – plagosi tre persona, përfshirë një grua 18-vjeçare dhe dy burra, të moshës 19 dhe 63 vjeç, në sulmin në orën 1:20 të mëngjesit EST.

Policia ka arrestuar adoleshentin pas sulmit dhe të tre personat e plagosur u dërguan në spitalin Bellevue, ku një zëdhënës i NYPD tha se ata janë në gjendje të qëndrueshme.