Një 74-vjeçar ka humbur jetën si pasojë e një zjarri që përfshiu banesën e tij mbrëmjen e sotme në lagjen “Çlirim” të Fierit.
Viktima është identifikuar si Flamur Braçe, 74 vjeç, i cili bëhet e ditur se jetonte i vetëm në banesë dhe ishte i paralizuar.
Flakët kanë përfshirë banesën, ndërsa në vendngjarje kanë mbërritur tre automjete të shërbimit zjarrfikës, të cilat kanë ndërhyrë për shuarjen e zjarrit dhe kontrollin e situates.
