Trump: SHBA anulon sulmet ndaj Iranit, marrëveshja nënshkruhet së shpejti

Presidenti amerikan, Donald Trump ka njoftuar se Shtetet e Bashkuara kanë anuluar sulmet e planifikuara ndaj Iranit.

Një gjë të tillë, ai e ka bërë të ditur në një postim në Truth, ku ka thënë se anulimi i sulmeve ka ardhur pas një procesi negociatash që janë zhvilluar në nivelin më të lartë të udhëheqjes iraniane dhe janë miratuar nga palët kryesore ndërkombëtare.

Në deklaratën e tij, presidenti amerikan ka shtuar se vendimi për të pezulluar operacionet ushtarake është marrë pasi diskutimet kanë arritur një marrëveshje “në koncept dhe në detaje të plota”, duke përfshirë një grup të gjerë aktorësh rajonalë dhe ndërkombëtarë.

Ai ka përmendur si palë të përfshira Shtetet e Bashkuara të Amerikës, Izraelin, Arabinë Saudite, Emiratet e Bashkuara Arabe, Katari, Turqinë, Pakistanin, Bahrainin, Kuvajtin, Jordaninë dhe Egjiptin.

Sipas tij, marrëveshja synon të ulë tensionet dhe të shmangë përshkallëzimin ushtarak në rajon, i cili prej muajsh është përballur me rritje të pasigurisë dhe përplasjeve indirekte mes aktorëve të ndryshëm.

Megjithatë, ai nuk ka dhënë detaje konkrete mbi përmbajtjen e marrëveshjes, as mbi kushtet e saj politike apo ekonomike.

Gjithashtu, Trump ka theksuar se pavarësisht anulimit të sulmeve, bllokada detare do të vazhdojë të mbetet në fuqi deri në finalizimin e plotë të marrëveshjes.