Presidenti Donald Trump deklaroi sot se Shtetet e Bashkuara janë të gatshme të ndihmojnë popullin iranian, pa sqaruar konkretisht se në çfarë forme do të ishte kjo ndihmë, duke shprehur solidaritet me qytetarët që po kundërshtojnë regjimin iranian.
“Irani po i afrohet lirisë, ndoshta si kurrë më parë. SHBA-ja është e gatshme të ndihmojë!!!” shkroi Trump të shtunën në rrjetin Truth Social.
Aleati i tij politik, senatori Lindsey Graham nga Karolina e Jugut, iu drejtua po ashtu sot popullit iranian, duke thënë se protestat e tyre kanë tërhequr vëmendjen e presidentit dhe se “makthi i gjatë” i tyre pritet të marrë fund së shpejti.
“Guximi dhe vendosmëria juaj për t’i dhënë fund shtypjes janë vërejtur nga @POTUS dhe nga të gjithë ata që e duan lirinë,” shkroi Graham në platformën X.
