Zvicër: 26 vjeçari nga Kosova i iku policisë, e gjuajti armën nga dritarja

Pasditen e së shtunës, policia është vënë në ndjekje të një 26 vjeçari me prejardhje nga Kosova. Kjo ngjarje ka ndodhur në Zvicër, konkretisht në Thal që gjendet në Kantonin e Zurichut.

Kosovari me rastin e ndalimit nga policia kishte hedhur një armë zjarri nga dritarja e veturës së tij.

Ky rast, që i ngjason goxha skenarëve të filmave u bë lajm edhe në mediat zvicerane, transmeton Klankosova.tv.

Po ashtu atij iu gjetën në posedim dhe iu sekuestruan edhe lëndë të dyshuara narkotike, shkruan Blick.ch,

Ndërkohë që 26 vjeçari ia kishte mbathur në këmbë, kurse vetura e braktisur ishte gjetur në hapësirat e një kompanie, në Parkun Industrial. Siç theksohet në artikullin e Blick-ut, i dyshuari u kap nga autoritetet me ndihmën e qenit të policisë.

Deri më tani, aq sa dihet rreth të dyshuarit, patentë-shoferi i ishte konfiskuar atij kohë më parë.

Ndaj tij, janë bërë edhe testet e gjakut dhe të urinës, për të parë nëse ka qenë nën ndikimin e alkoolit kur e ka vozitur veturën e tij.