Kombëtarja e Kosovës ka vazhduar përgatitjet për ndeshjen ndaj Izraelit, duke zhvilluar sot seancën e tretë stërvitore nën drejtimin e përzgjedhësit Franco Foda.
Atmosfera në kampin e Dardanëve duket pozitive, ndërsa futbollistët po punojnë me përkushtim në prag të kësaj përballjeje të rëndësishme
Pas stërvitjes, futbollistët Lindrit Kamberi dhe Milot Avdyli kanë folur për ecurinë e përgatitjeve, duke u shprehur të kënaqur me punën e zhvilluar deri më tani dhe optimistë për një rezultat pozitiv në ndeshjen e së shtunës.
Kosova synon të shfrytëzojë këto ditë përgatitjeje për të arritur formën më të mirë dhe për të dhënë maksimumin në dy ndeshjet e fundit të këtij viti.
