Fisnik Asllani ishte hero i mbrëmshëm i Kombëtares së Kosovës.
Sulmuesi i Hoffenheimit e shënoi golin e fitores historike të Dardanëve ndaj Suedisë në fitoren 1:0, për t’i afruar Verdhekaltrit me “play-off”-in e Botërorit 2026.
E forma që e shfaqi në këtë fillim sezoni në Gjermani, ku i shënoi 4 gola në Bundesligë, por mbi të gjitha goli i mbrëmshëm me ekipin e Franco Fodës ka bërë që vlera e tij në treg të rritet ndjeshëm.
Faqja e specializuar për vlerësimin e futbollistëve – Transfermarkt ia ka rritur sot për plot 10 milionë vlerën kartonit të futbollistit 23-vjeçar.
Nga 19 qershori i këtij viti, vlera e përfaqësuesit kosovar ishte 8 milionë euro, ndërsa prej sot ajo është plot 18 milionë euro, duke e bërë atë njërin prej futbollistëve më të vlefshëm shqiptarë të momentit.
Natyrisht, nëse vazhdon me formë të tillë atij do t’i rritet vlera përsëri.
