Arsenal ka arritur marrëveshjen me Aston Villa për transferimin e Ezri Konsas.
Sipas raportimeve të fundit, mbrojtësi anglez do t’u kushtojë “Topçinjve” rreth 50-51 milionë paund, plus bonuse.
Konsa ka dhënë gjithashtu dritën jeshile për transferimin dhe pritet t’i nënshtrohet vizitave mjekësore, përpara se të firmosë kontratën afatgjatë me skuadrën e Mikel Artetës.
28-vjeçari ishte një nga objektivat kryesorë të Arsenalit gjatë kësaj vere. Ai mund të luajë si qendërmbrojtës dhe si mbrojtës i djathtë, duke i dhënë Artetës një alternativë të rëndësishme në prapavijë, veçanërisht pas dëmtimeve të William Saliba dhe Jurrien Timber.
Pas marrëveshjes, Konsa është shumë pranë largimit nga Aston Villa për t’u bërë përforcimi i radhës i Arsenalit në një merkato ku klubi londinez po synon të ndërtojë një skuadër edhe më konkurruese.
