Fernandes zbulon pse zgjodhi Tottenhamin

Mesfushori portugez Mateus Fernandes ka zbuluar se bisedat me trajnerin Roberto De Zerbi ishin vendimtare që ai të pranonte transferimin te Tottenhami këtë verë.

Londinezët siguruan shërbimet e 22-vjeçarit nga West Hami për rreth 85 milionë funte, ndërsa lojtari pritet t’i bashkohet plotësisht skuadrës javën e ardhshme, pasi aktualisht po rikuperohet nga një shqetësim i lehtë fizik.

Në një intervistë për “The Athletic”, Fernandes tregoi se mënyra se si De Zerbi komunikoi me të dhe familjen e tij e bindi se Tottenhami ishte destinacioni i duhur.

Sipas tij, trajneri italian e kontaktonte çdo ditë dhe i kishte premtuar se do të kujdesej për të gjatë aventurës në Angli.

Fernandes zbuloi gjithashtu se ndikim të madh në transferimin e tij pati edhe mbrojtësi Pedro Porro, i cili e inkurajoi t’i bashkohej Tottenhamit dhe i bëri të ditur se edhe ai kishte folur me trajnerin për ta sjellë në Londrën Veriore.

Mesfushori portugez pritet të jetë një nga pjesët kyçe të projektit të Roberto De Zerbit, duke formuar repartin e mesfushës së bashku me Sandro Tonalin në sezonin e ri.