Foda: Turqia ka lojtarë të mirë, por edhe ne jemi të mirë

Kombëtarja e Kosovës sot ka mbajtur konferencë për media, ku prezent ishte selektori i Kosovës Franco Foda dhe kapiteni dardan, Vedat Muriqi.

Selektori i dardanëve, ka thënë se gjasat për fitore janë 50/50, ndërsa ka vlerësuar yjet e kombëtares së Turqisë.

“Ekipi i Turqisë është shumë i fortë edhe në aspektin e lojtarëve individual si Yildiz, Guler e Calhanoglu, janë kualitativ dhe ne jemi të mirë. Jemi në finale me plot meritë, gjasat janë 50-50. Ne do të japim gjithçka për të fituar”, ka thënë Foda.

Ndeshja e madhe finale do të zhvillohet nesër në stadiumin Fadil Vokrri në ora 20:45.