Hetimet ndaj Manchester Cityt, Presidenti i klubit iu drejtohet tifozëve

Presidenti i Manchester Cityt, Khaldoon Al Mubarak, u është drejtuar tifozëve pas raportimeve të fundit rreth procesit të Premier Leagues ndaj klubit.

Al Mubarak ka deklaruar se procesi ende nuk ka përfunduar dhe se Manchester City mbetet i bindur në qëndrimin e tij për të dëshmuar pafajësinë

“Procesi i Premier Leagues ka ende një rrugë të gjatë për t’u përfunduar. Besimi dhe vendosmëria jonë për të dëshmuar pafajësinë e klubit janë po aq të forta sa në fillim”, ka shkruar ai.

Ai ka theksuar se për shkak të konfidencialitetit të procedurave ligjore, klubi nuk mund të bëjë publike të gjitha detajet e rastit.

“Edhe kjo letër i është nënshtruar disa kontrolleve ligjore për t’u siguruar që është në përputhje me procesin”, ka shtuar Al Mubarak.

Manchester City është përballur me procesin e Premier Leagues prej tetë vitesh, ndërsa klubi ka përsëritur se qëndrimi i tij mbetet i njëjtë