Barcelona ka përjetuar orë të ethshme në merkato, teksa klubi katalanas ka mbyllur afrimet e João Cancelos dhe Rodri Hernándezit.
Të dy futbollistët udhëtojnë këtë të hënë drejt Barcelonës për të përfunduar procedurat e fundit përpara se të bëhen zyrtarisht pjesë e skuadrës blaugrana.
Ndërsa tifozët e Barcelonës festojnë dy përforcime të rëndësishme, Aymeric Laporte ka bërë një lëvizje që nuk ka kaluar pa u vënë re.
Mbrojtësi i Athletic Bilbaos ka bërë “like” në Instagram në një postim të gazetarit të njohur të merkatos, Fabrizio Romano, në lidhje me transferimet e Cancelos dhe Rodrit te Barcelona.
Romano kishte publikuar imazhe dhe informacione rreth lëvizjeve të dy futbollistëve drejt Barcelonës. Reagimi i Laportes, në vetvete, nuk konfirmon ekzistencën e ndonjë negociate, por ka rikthyer menjëherë në qendër të vëmendjes zërat për të ardhmen e mbrojtësit spanjoll.
Laporte, i cili aktualisht luan te Athletic Bilbao, është prej kohësh i lidhur me një rikthim në elitën e futbollit spanjoll. Për momentin, megjithatë, “like”-u i tij në postimin e Romanos mbetet vetëm një sinjal që ka ushqyer spekulimet për një transferim të mundshëm në Spotify Camp Nou
