Klubi nord-irlandez Larne FC ka reaguar zyrtarisht pasi gjatë ndeshjes së mbrëmshme ndaj Crvena Zvezdës, në kuadër të kualifikimeve për Ligën e Kampionëve, në tribunë u shfaq një flamur me mbishkrimin politik “Kosova është Serbi”.
Në një komunikatë, klubi bëri të ditur se flamuri u vendos gjatë pjesës së parë të takimit, mbi panelet reklamuese pranë tribunës “McKay Stand”, por u hoq menjëherë sapo u vu re nga stafi i sigurisë së stadiumit.
Larne FC theksoi se ndeshja ishte një moment historik për klubin, qytetin dhe komunitetin, duke pritur në “Inver Park” një klub me traditën dhe historinë e Crvena Zvezdës, dhe se ky rast nuk duhet ta zbehë rëndësinë e kësaj mbrëmjeje.