Liverpooli ka marrë një vendim historik për nder të Diogo Jotës, sulmuesit portugez që ndërroi jetë javën e kaluar. Klubi anglez ka konfirmuar zyrtarisht se ka tërhequr fanellën me numrin 20 në shenjë respekti dhe mirënjohjeje për kontributin e tij.
Vendimi prek të gjitha nivelet e klubit, përfshirë ekipin e parë, ekipin e femrave dhe Akademinë. Sipas Michael Edwards, Drejtor Ekzekutiv i Futbollit në FSG, ky është një gjest i rrallë që pasqyron lidhjen e fortë emocionale mes Jotës dhe klubit.
“Si klub, ishim plotësisht të vetëdijshëm për emocionet e thella të tifozëve tanë – dhe i ndanim plotësisht ato,” deklaroi Edwards. Ai bëri të ditur se bashkëshortja e Jotës, Rut, dhe familja e tij ishin pjesë e vendimmarrjes.
“Kjo është hera e parë në historinë e Liverpoolit që një nder i tillë i jepet një lojtari individualisht. Mund të thuhet me plot gojën se është një homazh unik për një njeri po aq unik,” shtoi ai.