Mësohet kush do të jetë komentatori i finales së madhe mes Kosovës e Turqisë

Gazetari e komentatori sportiv, Arben Berisha, do të jetë zëri i miliona shqiptarëve sonte në finalen e madhe mes Kosovës e Turqisë.

Berisha do të jetë komentator i ndeshjes së madhe në Radio Televiozionin Publik të Kosovës.

“Kam komentu shumë finale të kampionateve botërore, finale të kampionateve evropiane, finale të ligës së kampioneve e shumë finale tjera, por asnjë në jetën time nuk e ka rëndësinë e finales së vendit tim. Kam parë me sy Messin e Ronaldon duke ngritur trofe me kombëtaret e tyre, por asgjë s’do të doja më shumë se sa ta shihja vendin tim në Kampionat botëror”, thuhet në postimin e Berishës në Facebook.

Përpos në RTK, finalja e madhe mes Kosovës e Turqisë do të transmetohet edhe në ArtMotion – Klan Kosova si dhe në Digitalb në TopChannel.