Vedat Muriqi shënoi dy gola, por Mallorca u ndal në një barazim 2-2 ndaj Osasuna në “Son Moix”.
Ndeshja, e rëndësishme për shpëtimin nga rreziku i rënies, nisi me tension, dhe Mallorca kishte mundësinë më të mirë në pjesën e parë, por Costa humbi rastin.
Në pjesën e dytë, Muriqi shënoi nga penalltia për 1-0 dhe e dyfishoi epërsinë pas një asistimi nga Virgili. Osasuna ngushtoi rezultatin me një gol nga Raul García, ndërsa në minutën e 92-të, Boyomo shënoi për 2-2, duke i marrë Mallorca-s fitoren.
Ky barazim lë Osasuna pa fitore në udhëtim, ndërsa Mallorca humbi mundësinë për të avansuar më lart në tabelë.
