Muriqi nominohet për lojtarin më të mirë në La Liga

Faqja zyrtare e La Ligas spanjolle ka publikuar listën e të nominuarve për futbollistin më të mirë të edicionit 2025/26.

Në mesin e të nominuarve është edhe sulmuesi i Mallorcas, Vedat Muriqi. Është një tjetër sukses për sulmuesin nga Prizreni.

Muriqi e mbylli edicionin 2025/26 si golashënuesi i dytë më i mirë me 23 gola të realizuar. Listës i prin Kylian Mbappe i Real Madridit me dy gola më shumë.

Reprezentuesi i Kosovës krahas 23 golave kishte edhe një asistim.

32-vjeçari Muriqi është kandidat edhe për një vend në ekipin e sezonit në elitën spanjolle.

Forma e mirë e Muriqit nuk mjaftoi që Mallorca ta siguronte mbijetesën në La Liga.

Mallorca nga edicioni i ardhshëm do të bëjë gara në kategorinë e dytë të futbollit spanjoll.

Në garë me Muriqin janë Mbappe, Lamine Yamal i Barcelonës, Pablo Fornals i Real Betisit dhe Nicolas Pepe i Villarrealit.