Një moment i pazakontë ka ndodhur pas finales së Kupës së Rusisë, ku futbollisti i Spartak Moskës, Pablo Solari, e ka thyer trofeun gjatë festimeve me tifozët.
Mesfushori argjentinas po bënte fotografi para tribunave së bashku me kupën e sapofituar, kur trofeu i ra nga duart dhe u copëtua
Megjithatë, incidenti nuk e zbehu festën e Spartakut, i cili triumfoi ndaj Krasnodarit pas ekzekutimit të penalltive. Koha e rregullt përfundoi 1-1, ndërsa Solari ishte një nga protagonistët e ndeshjes, duke realizuar golin e vetëm të skuadrës së tij para se moskovitët të siguronin trofeun nga pika e bardhë.