Kombëtarja e Shqipërisë është një hap larg realizimit të ëndrrës për të marr pjesë në Kampionatin Botëror, për herë të parë në histori.
Kuqezinjtë sonte shënuan fitore në udhëtim ndaj Andorras, me rezultat 0-1.
Golashenues ishte mesfushori Kristjan Asllani, në minutën e 67-të.
Me këtë fitore, Shqipëria shkon në kuotën e 14 pikëve në Grupin K dhe blindon vendin e dytë, i cili siguron play-ofin.
Anglia është lidere e grupit, pasi mposhti sonte Serbinë dhe shkon në kuotën e 21 pikëve.
Ndeshjen e fundit të këtyre kualifikuesve, Shqipëria e luan të dielen në ”Air Albania” në Tiranë, kundër kombëtares së Anglisë.
