Sunderlandi vazhdon t’i besojë Le Brisit, francezi mbetet në krye të skuadrës

Pavarësisht rezultateve zhgënjyese dhe pozitës së fundit në tabelën e Premierligës, Regis Le Bris vazhdon ta ketë mbështetjen e plotë të drejtuesve të Sunderlandit.

Sipas gazetarit të njohur të “Sky Sports”, Keith Downie, pozita e trajnerit francez nuk është në rrezik dhe klubi nuk ka ndërmend të bëjë ndryshime në stolin e skuadrës

50-vjeçari vazhdon të jetë pjesë qendrore e planeve dhe ambicieve të Sunderlandit, ndërsa drejtuesit besojnë se ai është njeriu i duhur për ta kthyer skuadrën në rrugën e rezultateve pozitive.

Brenda klubit ekziston vetëdija se rezultatet e fundit në Premierligë kanë qenë zhgënjyese dhe se pakënaqësia e tifozëve është e kuptueshme.

Megjithatë, drejtuesit e Sunderlandit besojnë se stabiliteti, përgjegjësia kolektive dhe uniteti janë rruga e duhur për të dalë nga kjo situatë.

Kështu, pavarësisht presionit për shkak të rezultateve dhe pozitës në tabelë, Regis Le Bris do të vazhdojë ta drejtojë Sunderlandin, me besimin e plotë të hierarkisë së klubit.