18 janari do të mbahet mend gjatë nga Joi Nuredini. Talenti shqiptar debutoi në Serie-n A me fanellën e Genoas, në sfidën kundër Parmës.
Vetëm 18-vjeç, Daniele De Rossi i besoi disa minuta në fundin e sfidës, duke i dhënë mundësinë të përjetojë emocionet e një kampionati të fortë.
Pas këtij debutimi, ka reaguar në rrjetet sociale vetë talenti shqiptar. Nuredini ka shkruar se do ta mbajë mend gjatë këtë ditë, pasi ishte një ëndërr që i vogël, teksa tashmë i bëhet realitet.
“Çfarë të them, do të jetë një ditë që nuk do ta harroj lehtë: erdhi debutimi im në Serie A. E kam pasur këtë ëndërr që i vogël dhe sot më në fund u bë realitet. Falënderoj shumë trajnerin dhe gjithë stafin për besimin, si edhe të gjithë ata që kanë besuar tek unë që në fillim”, ka shkruar në rrjetet sociale.
