17-vjeçari u godit për vdekje nga vetura në Veternik - Policia jep detaje

Një këmbësor ka humbur jetën si pasojë e një aksidenti trafiku në rrugën Ferizaj-Prishtinë, më saktësisht në Veternik.

Zëdhënësja e Policisë së Kosovës për Rajonin e Prishtinës, Flora Ahmeti, ka konfirmuar se aksidenti ka ndodhur rreth orës 15:30.

Në aksident janë përfshirë një automjet dhe një këmbësor.

Vdekja e viktimës është konstatuar nga ekipi mjekësor në Qendrën Klinike Universitare të Kosovës (QKUK).