6 serbë të arrestuar pranë Manastirit në Prizren, avokati tregon arsyet

Gjashtë shtetas serbë janë arrestuar nga Policia e Kosovës në afërsi të Manastirit të Prizrenit.

Lidhur me këtë rast, në emisionin “Kosova Today” ka folur avokati Gent Gjini, i cili ka dhënë sqarime rreth grupit dhe rrethanave të arrestimit.

Sipas tij, bëhet fjalë për një grup burrash nga Serbia që kishin ardhur në Manastirin e Prizrenit.

“Është për t’u çuditur sepse është një grup i shtetasve nga Serbia që vijnë në Manastirin e Prizrenit. Ata kanë të drejtë të manifestojnë dhe të vizitojnë. Por jam çuditur sepse gjatë kontrollit të grupit, tek njëri është gjetur një flamur i Serbisë. Policia ka kontrolluar grupin, por jam befasuar se ata janë liruar në procedurë të rregullt”, tha Gjini.