Erik Ferati është i riu i cili humbi jetën mbrëmë në aksidentin që ndodhi mbrëmë në rrugën Suharekë-Shtime.
Policia njoftoi se aksidenti dyshohet se ka ndodhur kur drejtuesi i veturës ka humbur kontrollin mbi drejtimin e automjetit dhe ka kaluar në shiritin e kundërt të rrugës duke u ndeshur frontalisht me autobusin.
Është bërë e ditur se nga ky aksident kanë mbetur të lënduar edhe katër persona, ku tre prej tyre janë dërguar për trajtim mjekësor në Spitalin e Prizrenit, ndërsa drejtuesi i veturës me lëndime të rënda është dërguar për trajtim në QKUK.
“Të Zotit jemi dhe te Ai do te kthehemi. Vdes 28 vjeçari në aksident, Erik Ferati nga Ferizaj. Erik Ferati, ndërroi jetë tragjikisht në një aksident rrugor, mes një veture dhe një autobusi në aksin rrugor Duhel–Carralevë”, thuhet në njoftim.
